Gwamnati Ta Ce Jami'anta Da Ke Takara Ba Za Su Sauka A Mukamai Ba

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Gwamnati a Tarayyar Najeriya ta ce za ta yi amfani da dokar zabe ta sherkarar 2022, amma fa za ta cire sashe na 84, karamin sashe na 12 wanda ya ce dole ne duk wani mai rike da mukamin gwamnati da ke da sha’awar yin takara a zaben kasar ya sauka daga mukaminsa.

Wani kakakin a’aikatar shari’a ta kasar, Dokta Umar Gwandu ne ya sanar da haka a wata sanarwa da ya fitar a jiya Juma’a.

Wannan sanarwar na zuwa ne ‘yan sa’o’i bayan da wata kotu da ke zamanta a garin Umahia ta jihar Abia a kudu maso gabashin kasar ta umurci ministan shari’a na kasar, Abubakar Malami da ya cire sashen ba tare da bata lokaci ba.

Gwandu ya ce matakin da ma’aikatar shariar ta dauka, biyayya ce ga umarnin da kotu ta bayar a Juma’ar.

A wani labarin na daban Kotun Duniya da ke birnin Hague a Holland ta umarci Gwamnati ta Rasha ta gaggauta dakatar da mamayar da ta ke yi wa Ukraine, dai dai lokacin da Majalisar Dinkin Duniya ita ma a bangare guda ke sake mika rokonta ga Rasha wajen ganin an kawo karshen yakin tare da warware rikicin ta lumana.

Hukuncin kotun na ICJ da ke biyo bayan karar da Ukraine ta shigar ranar 27 ga watan Fabarairu kwanaki 3 bayan mamayar da Rasha ta fara yi mata ya umarci Moscow ta janye dakarunta daga sassan Kiev cikin sauri, a kokarin tabbatar da zaman lafiya tsakaninta da makwabciyartata.

Hukuncin kotun wanda babu tabbacin ko Rasha za ta mutunta shi, na zuwa ne a dai dai lokacin da dakarun kasar ke ci gaba da yiwa manyan biranen Ukraine kawanya, hare-haren hukumar kare hakkin dan adam ta Majalisar Dinkin Duniya ke cewa zuwa yanzu ya hallaka fararen hula dubu 1 da 834.

Tuni Ukraine ta bayyana hukuncin na ICJ da gagarumar nasara yayinda ta sha alwashin ci gaba da matsa kaimi har zuwa lokacin da Rashan za ta janye tare da dawowar zaman lafiya a sassan Kiev da kewaye.

Majalisar dinkin Duniya ta ce zuwa yanzu fararen hula fiye da miliyan 3 ne suka yi kaura daga yankunan da Moscow ta yiwa mamaya don tsira da rayukansu daga hare-haren Sojin.

Mai shari’a Joan Donoghue da ya jagoranci zaman shari’ar na yammacin jiya laraba, ya bayyana kotun ta ICJ a matsayin fadar tabbatar da adalci yana mai nuna damuwa da yadda Rasha ke amfani da karfin Soji a rikicin maimakon warware shi ta ruwan sanyi.

Bayanai sun ce ICJ ta zartas da hukuncin ne ba tare da halartar wakilcin Rasha a zaman shari’ar ba.

Cikin hujjojin da Ukraine ta kafa wajen shigar da karar gaban kotu shi ne zargin Rasha da kokarin kisan kare dangi kwatankwacin na shekarar 1948 batun da tuni Moscow ta musanta yayin zaman sauraren shari’ar na ranakun 7 da 8 ga watan da muke ciki bisa cewa babu hujjar da ke tabbatar da zargin.

Rasha dai na ci gaba da nanata cewa, matakinta na amfani da Soji a Ukraine kokari na kare kanta daga barazanar tsaron da ta ke fuskanta daga makiyanta da kungiyar tsaro ta NATO.