Aubameyang Ya Ci Wa Barcelona Kwallaye 3 A Wasansu Da Valencia

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Pierre Emerick-Aubameyang ya ci kwallo 3 rigis a wasan da aka fara da shi a Barcelona, a wata fafatawar da suka yi wa Valencia ci 4-1 a gasar La Ligar Spain, lamarin da ya kai Barcelonar cikin jerin kungiyoyi 4 na farkon teburin gasar.

Aubameyang ya ci kwallo 2 kafin hutun rabin lokaci, bayan da Frenkie de Jong ya ajiye mai wata kwallo, daga nan ne kuma barcelonar suka ci Valencia kwallaye 3 a cikin mintuna 15.

A ganawarsa da manema labarai bayan wasan, Aubameyan ya ce abokin wasansa Pedri ne ya ci kwallonsu ta 4, amma daga bisani Barcelona ta tabbatar da cewa alkalin wasa ya bai wa Aubameyan kwallon, lamarin da ya bai wa dan wasan gaban na kasar Gabo ,kwallayensa 3 rigis a wasa guda.

Wannan ne karo na farko da aka fara wasa da dan wasana a gasar Laliga tun da ya Arsenal ta soke kwantiraqginsa a watan da ya gabata.

Pierre-Emerick Aubameyang zai ci gaba da kasancewa dan wasan Arsenal, a cewar kocin kungiyar, Mikel Arteta.

A wani labari na daban Dan wasan gaban ba kasar Gabon ya kasa rawar gaban hantsi a kakar da ta gabata, inda kwallaye 10 kawai ya ci a gasar Lig na Firimiyar Ingila, bayan da ya ci kwallaye 22 a kaka 2 da suka gabaci wancan, amma Arteta yana kallonsa a matsayin dan wasa mai mahimmanci a Arsenal.

Dan wasan mai shekaru 32 ya ci kwallaye 3 rigis a wasan neman cin kofin Carabao da Arsenal ta lallasa West Brom da ke wasa a gasa ta kasa da Firimiya 6-0 a daren Laraba, kuma ita ce nasarar kungiyar ta farko a wannan kaka, bayan rashin nasara 2 da ta samu a gasar lig.

A wani taron manema labarai, a Alhamis din nan, Arteta ya ce aubameyanga dan wasan Arsenal ne, kuma zai ci gaba da kasancewa a kungiyar.