Mutane 26 Sun Jikkata A Filin Wasar Kasar Mexico

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Akalla mutane 26 ne suka jikkata a lokacin da rikici ya barke tsakanin magoya baya a wani filin wasa na kasar Mexico ranar Lahadi.

Rikicin sai da ya kai ga dakatar da wasar Liga MX tsakanin Queretaro da Atlas a mintuna na 63 a filin wasa na La Corregidora dake Santiago.

Wasu ‘yan wasan sun yi yunkurin kwantar da hankalin mutane magoya bayansu kafin a tura su dakin shirye-shirye.

Mutane 26 aka garzaya da su asibiti amma, 3 suka samu munanan raunuka.

Matakin da gwamnan jihar Queretaro, Mauricio Kuri yace abin takaici ne.

A wani labarin na daban Gwamnatin Mali ta musanta zargin da ake yi wa sojojinta na yi wa fararen hula da dama kisan gilla a yankin tsakiyar kasar a farkon watan Maris.

Sanarwar ta biyo bayan matakin da rundunar wanzar da zaman lafiya ta Majalisar Dinkin Duniya ta yanke a ranar Juma’ar da ta gabata, na gudanar da bincike kan kisan da aka yi wa mutane da dama a kauyukan da ake yankin Diabaly.

Wani faifan bidiyo da ke yawo a shafukan sada zumunta a wannan makon, ya nuna gawarwakin mutane da dama da aka kone su, bayan rufe musu idanu tare da daure hannayensu wuri guda. Wasu daga cikinsu kuma an ga ramuka a bayan kawunansu.

Wani jami’i a a yankin na tsakiyar kasar Mali, wanda ya nemi a sakaya sunansa, ya ce an gano gawarwakin ne a daren ranar Talatar da ta gabata, kuma ana kyautata zaton sune wadanda sojojin Mali suka kama wasu a ranar 20 ga watan Fabrairu, wasu kuma a ranar 1 ga watan Maris.

Sai dai, gwamnati kasar ta yi fatali da zargin, tare da bayyana shi a matsayin karya tsagwaronta.

Majalisar Dinkin Duniya dai ta sha zargin sojojin Mali da kashe fararen hula da kuma wadanda ake zargin mayakan sa kai ne a tsawon shekaru goma da suka shafe suna yaki da kungiyoyin da ke da alaka da Al Qaeda da kuma IS.