Marcus Papadopoulos sanannen mawallafin nan kum masanin tarihi dake birtaniya ya bayyana cewa masarautar saudiyya kurum ta damu da yadda zata tabbatar da ikon ta ne amma ba halin da raunanan falasdinawa ke ciki ko kuma zasu iya shiga ba.
Marcus Papadopoulos wanda ke tattaunawa da kafar yada labarai ta Press T,v dangane da ziyarar shugaban kasar Amurka Joe Biden zuwa saudiyyyan ya kara da cewa, masaruatar saudiyya ba musulunci da musulman duniya ne a gaban ta ba, illah iko da kuma tattara duniya ne ya damu masarautar.
Masarautar ta saudiyya wacce ake ma kallon alqiblar musulmin duniya amma ana kallon tayi watsi da lamurran musulmin duniya musamman raunana wadanda ake zalunta irin Flasdinu da sauran su.
Saudiyya dai na karban bakuncin shugaban kasar amurka kuma ana sa rana a lokacin ziyarar ta Joe Biden za’a tattauna batutuwa da yawa ciki har da bukatar amurka na dankarawa Falasdiwa zama da haramtacciyar kasar isra’ila wacce ta shahara da kisan raunanan Falasdinawa.
Marcus Papadopoulos ya bayyana cewa, amurka wacce babbar kawar saudiyya ce na fuskantar babbar barazana sakamakon hadin gwuiwar kasashe irin su Iran, Rasha, Chana da sauran su tana bukatar goyon bayan kasashe irin su saudiyya domin tabbatar da cewa tasirin ta bai karasa dusashewa ba a yankin na asiya.
An hango yarima mai jiran gadon saudiyya Muhammad bn Salman ya taro shugaban amurka joe biden a babban birnin riyad inda jerin gwanon tawagar biden din ta wuce kai tsaye zuwa gidan gwamnatin saudiyyan.
Shugaba Joe Biden ya gana da sarkin saudiyya kafin daga bisani ya gabatar da gani na musamman da yariman saudiyya.
Majiya mai tushe ta tabbatar mana da cewa kafin biden ya karasa saudiyya sai da ya tsaya a gabar tekun jodan inda ya kara jaddada kudurin sa na karfafa zaman haramtacciyar kasar isra’ila karbabbiyar kasa a yankin gabas ta tsakiya tsakanin larabawa.
