An sako wasu ‘yan kasar Siriya biyar daga hannun ‘yan ta’adda a arewacin Siriya.
Majiyoyin yada labarai na kasar Siriya sun rawaito cewa an sako wasu ‘yan kasar su biyar da ‘yan ta’adda suka yi garkuwa da su.
An sace mutanen biyar ne a lardin Aleppo kuma a yau an sake su a yankin al-Bab da mashigar Abu al-zandin da ke arewa maso gabashin Aleppo.
Sakin wadannan mutane yana cikin tsarin yarjejeniyar Astana.
Yanzu akwai tarurruka 17 na bakin kofa, biyu daga cikinsu an yi su ne a birnin Sochi na Rasha.
An shafe kwanaki biyu ana gudanar da taron Astana kan kasar Siriya karo na 17 a birnin Nursultan na kasar Kazakhstan, inda tawagogin Iran, Rasha, Turkiyya, Siriya, ‘yan adawa da Lebanon da Iraqi suka zama masu sa ido.
Mahalarta taron na 17 na tsarin Astana sun jaddada dakatar da hare-haren da sojojin Isra’ila ke kaiwa Siriya tare da yanke shawarar sake gudanar da taro karo na 18 a farkon rabin shekarar 2022 a Nursultan.
A halin da ake ciki kuma, a baya-bayan nan Turkiyya ta yi barazanar kaddamar da wani farmaki a arewacin kasar Siriya bisa hujjar yaki da kungiyar ma’aikatan Kurdistan.
A lokaci guda tare da wadannan barazanar da kuma kokarin da Turkiyya ke yi na kafa yankin da ake kira “yanki mai aminci”
sojojin Siriya sun kuma kara yawansu a arewacin kasarsu.
A baya-bayan nan ne dai sojojin na Siriya suka aike da dakaru kusan 2000 zuwa yankin Manbij da ke lardin Aleppo; Wani yanki da ke gabansa na hannun sojojin hayar Turkiyya da sojojin Turkiyya ne suka mamaye.
Dakarun Siriya sun jibge dakarunsu a yankuna daban daban na Manbij dake arewa maso gabashin Aleppo.
Tushen tura wadannan dakaru na cikin yankunan da ake kira “Layin Al-Sajour” da ke kan iyakar kasar da Turkiyya.
A halin da ake ciki kuma, dakarun Turkiyya da sojojin hayar sun kai hare-haren bindigogi da rokoki a lardin.
A martanin da sojojin na Siriya suka yi, sun yi ruwan bama-bamai kan wuraren da ‘yan ta’adda suka yi a kusa da birnin Mara.
