Gwamnatin kasar Afirka ta Kudu ta gayyaci jakadan gwamnatin sahyoniyawan domin nuna adawa gareshi dangane da kalaman batanci da ya yi.
Kamfanin dillancin labaran shafin sadarwa na Ahlul Bayt (AS) na – ABNA – ya nakalto maku daga Kamfanin dillancin labaran Qudsana inda ya habarta cewa, wani jami’in harkokin wajen kasar Afirka ta Kudu ya shaidawa kamfanin dillancin labaran reuters a jiya Laraba cewa, gwamnatin kasar ta gayyaci jakadan gwamnatin sahyoniyawan da nufin tsawatar da shi kan kalaman batanci da yayi.
A baya-bayan nan ne kafafen yada labaran kasar Afirka ta Kudu suka rawaito cewa, daya daga cikin ministocin gwamnatin shugaba Cyril Ramaphosa ya ce ya umarci ma’aikatar hulda da kasashen duniya da hadin gwiwa a gwamnatinsa da su dauki mataki kan jakadan gwamnatin sahyoniyawan a wannan kasa, kuma a lokaci guda an kira Jami’an diflomasiyyar Afirka ta Kudu daga Tel Aviv don shawarwari.
A cewar wannan jami’i, majalisar ministocin gwamnatin Afirka ta Kudu ta lura da ci gaba da kalaman batanci da jakadan Isra’ila Elio Blotserkovsky ya yi game da masu adawa da aikata laifuka da kisan kiyashi na Tel Aviv a Gaza. Ya ce matsayin jakadan Isra’ila a Afirka ta Kudu yana zama abin da ba za a iya karewa ba, ya kuma kara da cewa majalisar ministocin kasar ta yanke shawarar umurci ma’aikatar hulda da kasa da kasa da ta dauki matakan da suka dace ta hanyoyin diplomasiyya da ka’idojin diflomasiyya don tunkarar halinsa.
Kwana guda bayan buga wannan labarin, “Zane Dangore”, babban darektan ma’aikatar hulda da kasa da kasa ta Afirka ta Kudu, ya shaida wa kamfanin dillancin labarai na Reuters cewa an gayyaci Blotserkowski zuwa ma’aikatar don nuna rashin amincewa da kalaman nasa.
Ministan harkokin wajen kasar Afirka ta Kudu Naldi Pandour ya ce tun da farko: “Kwanan nan jakadan Isra’ila mai tsoro ya yi wasu kalamai ba tare da wata tattaunawa da wasu manyan jami’an gwamnatin Afirka ta Kudu ba. Ban sani ba ko manufarsu ita ce saboda wannan kasa ce ta Afirka, sun so su raina mu, amma bai kamata mu lamunci hakan ba.”
A ranar Laraba a majalisar dokokin Afirka ta Kudu Pandor ta kuma yi magana kan yiwuwar korar jakadan gwamnatin sahyoniyawan daga kasarta, amma ta ce har yanzu ba a yanke shawara ba.
A ranar Litinin din da ta gabata ce gwamnatin Afirka ta Kudu ta sake jaddada adawarta da harin bam da aka kai a zirin Gaza inda ta ce gwamnatin Sahayoniya da Amurka suna yin illa ga dokokin kasa da kasa da kudurorin kwamitin sulhu.
Wani babban jami’in gwamnatin kasar ya ce: Isra’ila na barazana ga zaman lafiyar tsarin duniya tare da nuna halin ko in kula ga Falasdinawa. Tallafin da Amurka ke ba Isra’ila ya ba ta damar yin barazana ga tsarin kasa da kasa na bangarori da yawa da shugabanci nagari da kuma yin barazana ga zaman lafiya a duniya.
A ci gaba da jawabin nasa, wannan jami’in na Afirka ta Kudu ya yi ishara da hare-haren da gwamnatin sahyoniya ta kai kan makarantu, asibitoci, motocin daukar marasa lafiya da fararen hula, ya kuma ce, “Kamar yadda aka fada a baya, ba za a amince da kisan kiyashi a gaban idanun kasashen duniya ba… kuma gwamnatin Afirka ta Kudu ta yanke shawarar korar dukkan jami’an diflomasiyyarta.”
Ta kuma kira jami’anta daga Tel Aviv don neman shawarwari.
