Tottenham Hotspur tana tuntubar Barcelona wajen ganin ta dauki Ansu Fati amma akwai yiwuwar Chelsea na iya kutsawa cinikin.
Dukkansu Spurs da Blues suna neman karfafa ‘yan wasansu kafin a rufe kasuwar musayar ‘yan wasa a ranar Juma’a.
Kocin Chelsea, Mauricio Pochettino, yana matukar bukatar siyan dan wasan gaba wanda zai iya taka leda a matsayin dan wasan gefe ko lamba 10.
Barcelona na bukatar bin ka’idojin Financial Fair Play kuma suna tunanin siyarwa ko ba da rancen Fati a wannan bazarar don taimaka musu yin hakan.
Ficewar Fati daga Barcelona zai bai wa kungiyar ta La Liga damar dauko Joao Felix daga Atletico Madrid.
Source: LEADERSHIPHAUSA
