Salah ya yi takaicin rashin samun gurbin gasar zakarun Turai
Dan ƙwallon Liverpool, Mohamed Salah ya ce ya ji takaicin rashin samun gurbin buga gasar zakarun Turai a kakar wasa mai zuwa.
Salah a wani sako da ya wallafa a shafinsa na soshiyal midiya, ya ce “babu wata hujja a kan hakan”.
Rashin gurbin ya biyo bayan nasarar da Manchester United ta samu a kan Chelsea a wasan da suka buga a ranar Alhamis.
A yanzu Liverpool za ta kammala kakar wasa mai zuwa matsayin ƙungiya ta biyar a kan tebur, ke nan za ta buga gasar Europa ne.
“Mun kunyatar da magoya bayanmu,” in ji ɗan ƙwallon Masar ɗin mai shekaru 30.
Liverpool ta samu nasara a wasanni bakwai cikin takwas a jere, a ƙoƙarinta na samun gurbin buga gasar zakarun Turai amma burinta bai cika ba.
Teburin gasar ya nuna cewa Manchester City ce ta farko, sai Arsenal ta biyu a yayin da a tsakanin United da Newcastle za a samu ta uku da ta huɗu.
Read More :
Madrid za ta dauki Bellingham, Rice na hangen Arsenal.
Fadan Sudan Ya Hana Kananan Yara Samun Ilimi —UNICEF.
Zambia Ta Shirya Jan Hankalin Sinawa Masu Zuba Jari.
Sunan “Muhammad” Shine Sunan Da Ya Fi Yawa Da Shahara A Berlin.
