Chelsea ta samu nasara a wasanta na biyu a gasar Firimiyar Ingila ta bana bayan lallasa Fulham da ci 2-0 har gida bayan Murdyk ya jefa kwallon sa Ta farko.
Abinda kuma ya kara kawata wannan nasarar da Chelsea ta samu shi ne jefa kwallon da Mykhailo Murdyk ya yi wadda ta kasance ta farko tun bayan zuwansa kungiyar ta London.
Wannan ce kwallonsa ta farko tun bayan da Chelsea ta saye shi kan kudi fam miliyan 89 a watan Janairu daga Shakhtar Donetsk.
Broja ya kara ta biyu a ragar Fulham a karon farko tun watan Oktoban 2022 sakamakon raunin da ya samu a gwiwarsa, yayin da Chelsea ta koma matsayi na 11 a gasar Premier.
A wani labarin wasannin Manchester City ta yi rashin nasara a karon farko a kakar wasanni ta bana bayan da Newcastle ta doke ta a filin wasa na St. James Park a gasar League Cup ta bana.
City ta fara wasan ba tare da manyan ‘yan wasanta ba kamar Ederson, Haaland, Bernado Silva da Kyle Walker ba.
Osimhen Na Shirin Karar Napoli Kan Wani Bidiyonsa Da Suka Dora Akan TikTok
Da Alamun SAKA Ba Zai Buga Wasa Biyu Ba Saboda Raunin Da Ya Samu Arteta
Hakan yasa ta kasa tabuka abin azo a gani yayinda koci Joseph Pep Guardiola ya baiwa wasu matasan yan wasa damar buga wasan farko a Manchester City.
Aleksandar Isak ne ya zurawa Newcastle kwallo a ragar City a minti na 53 bayan dawowa hutun rabin lokaci.
Source LEADERSHIPHAUSA
