Ko Arsenal za ta bai wa Man City tazarar maki biyar?
Arsenal ta ziyarci Leicester City, domin buga wasan mako na 25 a gasar Premier League a King Power ranar Asabar.
Arsenal tana mataki na biyu da tazarar maki biyu tsakaninta da Manchester City mai biye da ita a teburin Premier.
Leicester City tana mataki na 14 da maki 24 a babbar gasar tamaula ta Ingila.
Ranar 13 ga watan Agusta, Arsenal ta ci Leicester City 4-2 a wasan farko a kakar Premier League ta bana a Emirates.
Watakila Leicester City ta yi rashin nasara karo na biyar a lik a hannun Arsenal tun bayan shekara 91.
Arsenal na fatan cin wasan waje karo na uku a gidan Leicester City a karon farko tun bayan 1925.
