Tun lokacin da aka tuhumi tsohon dan kwallon Manchester United Mason Greenwood da laifin fyade, wasu da dama ke ganin hasken tauraruwarsa ta kwallo za ta dusashe.
Amma sai ga shi kotu ta wanke shi daga laifin da ake tuhumarsa da aikatawa.
Amma duk da hakan bai sa Manchester United ta ci gaba da daukarsa a matsayin dan wasanta ba.
Abin da yasa ya koma kungiyar Getafe da ke buga gasar Laliga ta kasar Sifaniya.
Greenwood wanda ke buga babbar gasar kwallon kafa ta Firimiyar Ingila a kuma daya daga cikin manyan kungiyoyin kwallon kafa na Duniya (Manchester United).
Yanzu kuma zai koma buga kwallo a kungiyar da bata da tabbacin ci gaba da buga babbar gasar lig ta kasar Sifaniya a kowace shekara.
Wanda ke buga kwallo a gaban magoya baya fiye da dubu sittin a “Old Trafford” zai koma kwallo a karamin filin wasa na “Coliseum Anfonso Perez” mai daukar yan kallo 16,000.
Source: LEADERSHIPHAUSA
