Cristiano Ronaldo zai buga wa Al Nassr wasan farko a ranar 22 ga watan Janairu
Cristiano Ronaldo zai buga wa Al Nassr wasansa na farko a gasar kwallon Saudiyya a ranar 22 ga watan Janairu a wasan da za su fafata da Ettifaq, in ji kocin kulob din Rudi Garcia.
A makon da ya wuce ne aka kaddamar da dan wasan a gaban ‘yan kallo a Saudiyya .
Sai dai a halin yanzu an dakatar da Ronaldo wasa biyu tun yana a lokacin da yake tare da Manchester United bayan ya fasa wayar wani dan kallo.
Dan wasan mai shekaru 37 ba zai buga wa Al Nassr ba har sai an aiwatar da hukuncin dakatarwar wasanni biyu da aka yi masa.
Amma watakila shi Ronaldo din ya buga wasan sada zumunci da Paris St-Germain.
Tawagar su Lionel Messi za ta hadu ne da wasu ‘yan kwallo da ke murza leda a Al Nassr da Al Hilal a Riyadh a ranar 19 ga watan Janairu kuma Garcia ya shaida wa jaridar L’Equipe cewa da alamu Ronaldo zai buga wasan.
Read More :
Inkarin taron ministocin harkokin wajen kasashen Rasha, Siriya da Turkiyya a birnin Mosccow.
Al-Yum ya kada kuri’a kan shirin da kungiyar Hizbullah ta Rizvan ke shirin yi da Tel Aviv.
