Real Madrid Ta yi Wa Kulob Din Mallorca Ruwan Kwallaye

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Dan wasan gaba na Real Madrid Karim Benzema ya taka rawa wajen cin kwallaye 4 daga cikin 6 da kungiyar ta sa ta lallasa Mallorca da su, yayin karawar da aka tashi 6-1 a daren ranar Laraba.

Yanzu haka dai Benzema ya bada gudunmawar cin jumillar kwallaye 15 a wasannin La Liga shida da ya bugawa Real Madrid, inda ya ci kwallaye 8 da kansa, ya kuma taimaka aka jefa wasu 7.

Yayin karawar da Mallorca ne kuma dan wasan na Faransa ya ci wa kungiyarsa kwallo ta 200, bayan kammala hutun rabin lokaci.

To shi ma dai Marco Asensio ya nuna bajinta yayin karawar da suka lallasa tsohuwar kungiyar ta sa Mallorca da kwallayen 6 inda ya ci 3 daga ciki.

A halin yanzu Real Madrid ta sha gaban Atletico Madrid a saman teburin La Liga da nasarar da ta samu da maki 16, yayin da Atleticon ke da 14.

A wani labarin na daban sabon mai horar da kungiyar kwallon kafa ta Real Madrid, Carlo Ancelotti ya bar Everton yau Laraba don karbar ragamar horar da tsohuwar kungiyar sa da ya ke shirin rattaba hannu kan kwantiragin shekaru 3 tsakaninsa da ita kowanne lokaci daga yanzu.

Ancelotti dan Italiya mai shekaru 61 wanda ya taba horar da Real Madrid tsakanin 2013 zuwa 2015 tare da dagewa kungiyar kofin zakarun Turai, sabuwar yarjejeniyar tsakaninsa da tsohuwar kungiyar tasa na nuna cewa watanni 18 kacal ya yiwa Everton duk da cewa yarjejeniyar shekaru 4 ke tsakaninsa da ita.

Karbar aikin horar da Real Madrid din don maye gurbin Zinadine Zidane da Ancelotti ya yi, ya bar Everton da laluben manaja na din din din karo na 6 a shekaru 5.

Yau Laraba ne Ancelotti zai bayyana a taron manema labarai na Real Madrid don tsokaci kan muradan da ya ke kokarin cimmawa a kungiyar bayan da ya bayyana matakin sake daukarshi aikin a matsayin mai cike da bazata.

A cewar Ancelotti duk da yanajin dadin aiki a Everton amma komawa Spain zai fi masa kwanciyar hankali har ma da iyalinsa baki daya.

Tags: da kwalln madrid o real wasa