Ronaldo Ya Burge Magoya Baya A Wasansa Na Farko A Man United

Man fetur ya fado bayan harin da Isra’ila ta kai wa Iran

‘Yan Kenya 5,000 ne ke zaune a matsayin ‘yan gudun hijira a Qatar

Ronaldo ne ya ci kwallaye 2 a cikin 4 da Manchester United ta zura wa New castle a wasan da aka tashi 4-1.

Cikakkiyar sa’a guda bayan alkalin wasa Anthony Taylor ya busa usur din tashi wasa, magoya baya sun yi ta hayaniya da ba ya misaltuwa

Daruruwan magoya bayan sun zabi kada su bar filin wasan har sai kungiyar ta karbi bukatarsu ta neman Ronaldo ya gana da tashar talabijin.

Bayan Cristiano Ronaldo ya amsa wannan kira ne aka ci gaba da sowa ta murna da jinjina gad an wasan.

Yanzu kwallaye 120 ne Ronaldo ya ci wa Manchester United, wanda ya ci kwallayensa na farko tun bayan da ya bar kungiyar shekaru 12 da suka wuce zuwa Real Madrid, kwallayen da suka dora United din a saman teburin gasar Firimiyar Ingila.

Ronaldo ya ci kwallaye 118 a wasanni 292 da ya buga wa Manchester united daga shekarar 2003 zuwa 2009, lokacin da ya koma Real madrid a kan kudi Fam miliyan 80.

A cikin shekaru 12, ya ci kwallaye 551 a real Madrid da Juventus, kafin ya yin a Unikted kome mai ban mamaki a kan kudi fam miliyan 12.8.

Cristiano Ronaldo ya yi cikakken atisaye a wannan Laraba gabanin wasan farko da zai sake buguwa Manchester United tun bayan da ya sake yiwa kungiyar kome.

A wani na daban mai Sabuwar riga lamba 7 ta United ya bayyana filin atisayen ne cikin murmushi da annishuwa a karon farko ranar Talata domin tattaunawa da manajan club din Ole Gunnar Solskjaer, da kuma saduwa da wasu sabbin abokan wasansa.

A wannnan Laraba yayi cikekken atisaye don United ta samu damar tantance ko a shirye yake ya taka rawa a ziyarar da Newcastle za ta kai Old Trafford ranar Asabar a gasar Premier.

Wannan shine karon farko da Ronaldo ya sake leka filin atisayen United tun bayan barin kulob din shekaru 12 da suka gabata zuwa Real Madrid kan farashi mafi tsada a wancan lokacin wato fan miliyan 80.