Mutanen Da 'Yan Bindiga Suka Kashe A Zamfara Sun Kai 17

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

‘Yan bindiga sun kashe akalla mutanen 17 a wasu hare hare da suka kai kauyuka 4 a karamar hukumar Anka ta jihar Zamfara dake arewa maso yammacin Najeriya, inda suka kuma yi awon gaba da dimbim dabbobi bayan sun yi ta harbi kan mai uwa da wabi.

Majiyoyi daga yakin sun shaida wa shashen Hausa na RFI cewa maharan sun kutsa Kauyukan Kadaddaba da Rafin Gero na karamar hukumar Anka ta Zamfarar, inda suka tarwatsa mutanen ba tare da samun wani kalubale daga jami’an tsaro ba.

Wata majiya ta ce tun da tsakar ranar Alhamis ne ‘yan bindigar suka fara afka wa mutane, har ma suka shiga kasuwar Rafin Gero da ke ci, suka yi awon gaba da dimbin shanu da rakuma da sauran dabbobi.

Mazuna yankin sun ce duk da cewa mutane sun ruga cikin daji don neman tsira, ‘yan bindigar sun yi ta bin su a kan babura suna harbewa.

Ya zuwa lokacin hada wannan labari, babu wani karin bayani daga rundunar ‘yan sandan jihar Zamfara, kuma duk kokarin samun kakainta ya ci tura.

A wani labarin na daban Dubban mutane ne suka isa Jamhuriyar Nijar bayan da suka tsere wa rikici da ake yi tsakanin kungiyoyi masu dauke da makamai a arewacin Mali, kamar yadda wani rahoton majalisar dinkin duniya ya bayyana a jiya Juma’a.

Rahoton ya ce kusan mutane dubu 18 ne ‘yan kasar Mali da ma ‘ya Nijar da ke zaune a Mali suka gudu daga kauyukan Inchinana, Azaragane, Anderamboukane da Tamalet suka nemi mafaka a Tilleberi da Tahoua a yammacin Jamhuriyar Nijar.

Ofishin kula da ayyukan jinkai na majalisar dinkin duniya ya ce sama da fararen hula 400 ne aka yi amannar sun mutu sakamakon rikicin na kungiyoyi masu dauke da makamai.

Wasu daga cikin ‘yan gudun hjirar na karbar taimako daga hukumar abinci ta duniya.