Jam'iyyar ANC Ta Ramaphosa Ta Rasa Rinjaye A Zaben Kasar

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Jam’iyyar Shugaban kasar Afrika ta Kudu ta sha kayi a zaben wakilan hukumomin. Wannan dai ne karo na farko da jam’iyar marigayi Nelson Mandela ta fuskanci irin wannan kaye ,tareda samun kasar da kashi 50 cikin dari na sakamakon zaben da ya gudana.

Jam’iyyar ta rasa shida daga manyan biranen takwas da ake da su a kasar.Wannan sakamakon zabe kan iya kai jam’iyyar ga rasa wasu daga cikin manyan kujeru tareda kai shugaban kasar Cyril Ramaphosa ga rasa kujerar sa a duk lokacin da ake zaben kasar.

Da samun wannan labari,kwamityn zartawa na jam’iyyar ANC ya kira taron gaggawa da wakilan jam’iyyar da nufin tattaunawa dangane da makomar jam’iyyar a wannan lokaci.

A wani labarin na daban shugaban Kasar Afrika ta kudu Cyril Ramaphosa ya caccaki kasashen da ke boye maganin rigakafin cutar korona yayin jawabinsa a wajen taron tattalin arziki na Duniya da ke gudana a Davos inda ya ce sam manyan kasashe basa damuwa a kananu a halin da ake ciki.

Ramaphosa ya ce abin takaici ne yadda manyan kasashen Duniya ke saye magungunan domin boye su, a daidai lokacin da kasashe marasa karfi ke neman shi ruwa a jallo.

Shugaban ya bukaci wadannan kasashe da su saki maganin da basa bukata domin ganin kasashe marasa karfi sun amfana da su wajen yiwa jama’ar su rigakafi.

Afrika ta kudu ce kasar da Coronavirus ta fi yiwa barna a nahiyar Afrika, inda har yanzu al’ummarta ke karkashin matakan takaita walwala don dakile yaduwar cutar.