Hamas Ta Yaba Wa Malaysia Kan Watsi Da Batun Kulla Alaka Da Isra'ila

Kungiyar Hamas ta falasdinawa masu gwagwarmaya don kwatar ‘yancin falasdinawa ta yaba da matsayinda kasar Malaysia ta bayyana na goyon bayan al-ummar Falasdinu, bayan da gwamnatin haramtacciyar kasar Isra’ila ta bada sanarwar cewa nan ba da dadewa ba kasar Malaysia za ta shiga cikin wadanda za su kulla alaka da ita.

Kungiyar ta Hamas ta sanar da haka ne yau Alhamis a cikin wani bayanin da ta fitar, inda ta yaba wa Saifuddin Abdullahi ministan harkokin wajen kasar Malaysia wanda ya fito fili ya karyata labarin da yahudawa suka bayar.

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Inda ya ce, kasar Malaysia ba za ta taba barin al-ummar falasdinu ba, kuma za ta ci gaba da goyon bayan su har zuwa samun nasara a kan yahudawa yan mamaya.

A wani labarin na daban kamfanin dillancin labaran iqna ya bayar da rahoton cewa, a babban taron makon hadin kan al’ummar musulmi da ake gudanarwa yanzu haka a birnin Tehran, wanda masana da malamai daga sassa daban-daban na duniya suke halarta kai tsaye a dakin taron, yayin da kuma wasu suke halarta ta hanyar hotunan bidiyo na yanar gizo, mahalarta taron sun ce manzon Allah shi ne malamin kur’ani na farko.

A wani labarin dai mai kama da wannan babban sakatare janar din kungiyar hizbullah ta kasar Labanon sayyid Hassan Nasrullah da yake bayani a gaban taron makon hadin kai karona 35 da ke gudana a birnin Tehran ya fadi cewa babban manufar gudanar da taron makon hadin kai shi ne samar da mafita game da kalubalen da duniya musulmi ke fuskanta

Ya ce duniya musulmi na fuskantar kalu bale sosai tun da kasashen duniya ma’abota girmankai da kasar Amurka ke jagoranta suka taso musulmi a gaba, duk da kokarin da aka yi na kusanto da alummar musulmi bayan cin nasarar juyin musulunci a Iran.

Kana ya bukaci da a kafa kwamiti a gefen taron makon hadin kai yadda malamai da masana za su yi musayar ra’ayi da kuma samar da mafita ga duniyar musulmi kan halin tsaka mai wuya da suke ciki

Kimanin malam musulunci sama da 500 ne suke halartaci taron makon hadin kai tsakanin musulmi karo na 35 daga nesa saboda yaduwar Annobar Korona a fadin duniya, kuma babban abin da taron yafi mayar da hankali shi ne hadin kan musulmi da zaman lafiya da kuma nisantar rarrab da rikici a duniyar musulmi.