Fashe-Fashe sun afku a sakatariyar jam’iyyar APC dake kan titin Aba daji dake garin Fatakwal a jihar Ribas.
An tattaro cewa bama-baman da ake kyautata zaton nada karfi ne sun farfasa gine-gine da dukiyoyi a cikin sakatariyar, lamarin da ya haifar da firgici a unguwar.
Duba nan:
- Boko Haram Ta Sace Manoma 15 A Borno
- Mutane 10 sun mutu a Hatsarin Titin Legas
- BREAKING: Explosion rocks Rivers APC Secretariat
An bayar da rahoton cewa fashewar ta ruguza kofar sakatariyar inda ta lalata kofofi, tagogi da sauran kayayyaki masu daraja.
Lamarin dai ya faru ne a ranar da aka shirya gudanar da zaben kananan hukumomin jihar da ke cike da cece-kuce.
An gano cewa wannan ne karo na biyu da Cif Tony Okocha na APC ke fuskantar irin wannan hari a sakatariyar ta.
