Dakarun Jamhuriyar Nijar 11 Ne Suka Mutu A Harin Dagne

Akalla dakarun sojin Janhuriyar Nijar 11 ne suka mutu a wani hari da yan bindiga suka zuwa wani kauye mai suna Dagne a jiya juma’a.

Sanarwa daga hukumomin kasar na nuni cewa 9 daga cikin dakarun sojin dake wurin suka samu rauni.

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Harin na dagne na zuwa ne kusan kwanaki biyu biyo bayan kazamin harin da yan bindiga suka kai zuwa ayarin dakarun yan kato da gora na Banibangou dake yankin tillabery daf da kan iyaka da kasar Mali,wanda yayi sanadiyyar mutuwar mutane 69 da magajin garin.

Tun ranar juma’a gwamnatin ta ayyana zaman makoki na kwanaki biyu,yayin da Shugaban kasar tareda rakiyar ministan tsaron jamhuriuyar ta Nijar ya kai ziyara banibangou don jajintawa mutanen da suka rasa na su a wannan hari.

A wani labarin na daban kasar Nijar makwonni biyu da suka gabata ta ayyana dokar ta baci a wasu yankunan yammacin kasar dake makwabtaka da kasar Mali sakamakon hare-haren ta’addanci da masu jihadi ke ta kaiwa.

A zaman taron Ministoci na wannan mako ne ,Gwamnatin kasar ta sanar da tsawaita dokar.

A zaman taron minstocin mako, hukumomin Nijar sun sanar da tsawaita dokar ta baci a yankunan Ouallam, Ayorou, Bankilare, Abala da Banibangou dake jihar Tillabery dama wasu yankuna dake jihar Tahoua da suka hada da Tassara da Tillia.

Gani wa’adin ya zo karshe , zaman taron na Ministoci ya amince da tsawaita dokar na watani uku domin sake dawowa da zaman lafiya a wadanan yankuna da yan ta’ada ke ta kai hari dama kasha mutane.