Hotunan mashahurin mai azrikin duniya, Jeff Bezos, rike da hannun budurwarsa suna tattaki a titin London sun bayyana.
An ga hamshakin mai kudin sanye da wando da riga masu tsadar £600 inda ita kuwa ke sanye da karamar fara riga Majiyoyi sun tabbatar da cewa, yana soyayya da Sanchez a boye yayin da yake auren MacKenzie Scott wacce suka rabu a farkon 2019.
Mamallakin Amazon kuma masahahurin mai arziki, Jeff Bezos, ya bayyana yana tattaki tare da budurwarsa ma’aikaciyar gidan talabijin a London.
An ga Bezos yana tattakawa rike da hannun budurwarsa mai suna Lauren Sanchez mai shekaru 52 a yammacin ranar Laraba, 27 ga watan Yulin 2022.
Mashahurin ‘dan kasuwa wanda ke da kudi darajar £121 biliyan, an gano cewa suna soyayya a sirrance da Sanchez yayin da yake auren MacKenzie Scott mai shekaru 52 wacce ya saka a farkon shekarar 2019.
A wani labari na daban, wani ‘dan Afrika ya kafa babban tarihi a duniya bayan ya tabbata mutumin da yafi kowa katon baki a duniya, African Report Files ta ruwaito.
Kamar yadda aka gano, mutumin ‘dan asalin kasar Angola kuma hangamemen bakinsa yana daukan gwangwanin kacokan guda daya a bakinsa.
Tuni tarihin duniya ya yadda cewa,, Francisco Domingo Joaquim mai shekaru 28 ya bayyana a matsayin mutumin da yafi kowa katon.
Bakin matashin ya kai girman inci shida da rabi a bude, wangamemen bakin Jacquim na iya daukan gwangwanin lemu mai cin ruwan lemu 330ml baki daya.
Source:hausalegitng
