Kamfanin dillancin labaran shafin sadarwa na Ahlul Bayt (AS) na – ABNA – ya kawo maku cigaban bayanin shugaban majalisar Ahlul-Bait AS ta duniya dangane da ziyarar da ya kai kasashen gabashin Afirka da irin nasarorin da aka samu
Kamfanin dillancin labaran shafin sadarwa na Ahlul Bayt (AS) na – ABNA – ya kawo maku cigaban bayanin shugaban majalisar Ahlul-Bait AS ta duniya dangane da ziyarar da ya kai kasashen gabashin Afirka da irin nasarorin da aka samu:
Bayan da aka yi nasarar gudanar da wadannan tarukan biyu da kuma taruka da dama, mun shiga Tanzaniya.
Tanzaniya kasa ce ta musulmi, a da kashi 85% na al’ummarta musulmi ne, amma a yau kusan rabin mutanenta musulmi ne.
An shirya tarurruka biyu a kasar nan, taron farko ya shafi mata; An gudanar da taro mai kyau da nasara tare da halartar mata 70 masu himma daga kasashen Afirka goma a taron yini guda.
Muhimmin sakamakon wannan taro shi ne kafa kungiyar matan gabashin Africa.
A nan ma, mun jaddada cewa, ya kamata matasa su gane kansu, su taka rawar gani wajen tantance makomarsu.
Ganawa na biyu a Tanzaniya, a matsayin taro na biyar na ziyarar Afirka, ganawa ce da ‘yan kasuwa nagari na Afirka.
Kimanin ’yan kasuwa ashirin daga kasashen Afirka daban-daban ne suka halarci taron na rabin yini, wanda Wannan wani aiki ne mai inganci kuma mai kima da kuma sakamako mai kyau.
Akwai ‘yan kasuwa a duniya masu sha’awar hulda da Iran, haka nan kuma muna da ’yan kasuwa nagari wadanda za su taimaka wajen magance matsalolin da suka shafi Shi’a a duniya, kamar gina masallatai, makarantu, dakunan shan magani, da gidajen marayu, wadanda suke da matukar muhimmanci ga Afirka.
Majalisar Ahlul-Baiti (AS) ta duniya ba ta da harkokin kasuwanci, amma tana taka rawa a matsayin alaka sadarwa tsakanin ‘yan kasuwa da cibiyoyin ‘yan Shi’a.
Ziyarar zuwa Gabashin Afirka ta samo asali ne bisa wasu tsare-tsare da aka tsara tun da farko.
Daya daga cikin muhimman manufofin da aka sa gaba shi ne halartar dukkanin masana da jami’an majalisar Ahlul-Baiti (AS) ta duniya da kuma halartar tarukan koli guda biyar a kasashe ukun Kenya da Uganda da Tanzania.
A taqaice a wannan sashe ina son a ce duk tarukan da aka gudanar to ya yi nasara kuma Alhamdulillah mun samu nasarar cimma burinmu.
A cikin dukkan wadannan al’amura, akwai wani batu guda daya daga bangarenmu na rashin tsoma baki cikin ayyukansu; Mu kawai Mun samar da wani dandali na share fage ne kawai ga masu fafutuka na gabashin Afirka su san kansu su gudanar da al’amura kuma su iya gudanar da ayyukansu yadda ya kamata.
Source: ABNAHAUSA
