Medvedev: Za mu ruguza gidan ‘yan ta’addar Ukraine da ke kan kawunansu
Dmitry Medvedev, mataimakin shugaban kwamitin tsaron kasar Rasha, ya yi barazanar cewa sojojin kasar za su tarwatsa tare da lalata gidan ‘yan ta’addar Ukraine.
A cikin wata sanarwa a tasharsa ta Telegram, Medvedev ya rubuta cewa ‘yan ta’addar Ukrain suna fahimtar harshen karfi ne kawai.
Ya yi bayanin cewa: “Kwarewarmu da kanmu da na duniya ya nuna cewa ba za mu iya yakar ‘yan ta’adda tare da takunkumin kasa da kasa, tsoratarwa ko shawarwarin duniya ba. Suna fahimtar harshen karfi ne kawai.”
Shi dai wannan jami’in tsaron na Rasha – wanda ya kara nuna karfin tuwo a ‘yan kwanakin nan bayan karuwar taimakon sojan da kasashen yammacin duniya ke baiwa kasar Ukraine domin yakin da ake yi da Rasha – ya ce: “Don haka ya zama dole a tarwatsa gidajen ‘yan ta’adda da ‘yan uwansu.”
Tsohon shugaban kasar Rasha ya bukaci sojojin kasar da su nemo wadanda ke da hannu a cikin ‘yan ta’adda tare da lalata su, yana mai jaddada cewa: “Amma babban abin da ake bukata shi ne halaka manyan jagororin wannan kungiyar ta ta’addanci [Gwamnatin Kiev].
Kafofin yada labaran Rasha da na Ukraine sun ba da rahoton fashewar wani abu a gadar Crimea, wacce ta hada mashigar teku daga teku zuwa babban yankin Tarayyar Rasha.
Bayan ‘yan sa’o’i kadan, kamfanin dillancin labaran AFP ya bayar da rahoton cikin wani rahoto na gaggawa, inda ya nakalto majiyar gwamnatin kasar ta Ukraine cewa, gwamnatin Kiev ce ke da hannu wajen fashewar wani abu a yau a kan gadar da ta hada Crimea da yankin tarayyar Rasha.
Dmitry Peskov, kakakin fadar Kremlin, yayin da yake magana kan umarnin shugaban kasar Rasha Vladimir Putin na shirya tare da gaggauta fara aikin gyara da sake gina gadar Crimea, ya ce: “Mun san wadanda ke da hannu wajen wannan aikin kuma muna sane da hakan. dabarar gwamnatin Kiev.”
A cewar kwamitin yaki da ta’addanci na Tarayyar Rasha, sakamakon harin ta’addancin da aka kai kan gadar Crimea, an lalata babbar hanyar tare da kashe manya biyu tare da jikkata wani yaro.
