Manchester United Na Nazari Kan Mutane 3 Da Ka Iya Maye Solksjear

Man fetur ya fado bayan harin da Isra’ila ta kai wa Iran

‘Yan Kenya 5,000 ne ke zaune a matsayin ‘yan gudun hijira a Qatar

Rahotanni daga Ingila na cewa shugabannin kungiyar Manchester United sun fara nazari kan mutane 3 da suka cancanci maye gurbin kocinsu na yanzu Ole Gunnar Solskjaer.

Solkjear dai na cikin matsin lamba sakamakon shan kashin da United ta yi da ci 2-1 a hannun Young Boys a gasar Zakarun Turai.

Magoya bayan Manchester United da kuma wasu masu sharhi kan kwallon kafa, sun caccaki matakin da Solskjaer ya dauka yayin wasan, inda ya maye gurbin Jadon Sancho da Diogo Dalot, bayan da aka kori Aaron Wan-Bissaka saboda jan kati

Rahotanni kamar yadda jaridar UK Mirrow ta ruwaito na cewa, ana sa ran United ta tantance wanda za ta kulla yarjejeniya da shi, tsakanin Antonio Conte, Zinedine Zidane da Brendan Rodgers.

Conte da Zidane dai a yanzu haka babu wata kungiya da suke horaswa, bayan rabuwa da Inter Milan da Real Madrid, yayin da Rodgers ke jagorantar Leicester City.

Awani labari na daban tawagar kwallon kafa ta Young Boys ta yi nasarar lallasa Manchester United duk da kwallo guda da Cristiano Ronaldo ya zura mintuna 13 da fara wasa.

Baiwa Aaron Wan-Bissaka jan kati ne ya fara ba United matsala duk da cewa ita ta ci gaba da jagoranci har zuwa bayan dawowa daga hutun rabin lokaci inda Nicolas ya zurawa Young Boys kwallonta na farko a minti na 66.

Sauyin da Ole Gunnar Solskjear ya yi a minti na 95 ta hanyar cire Cristiano Ronaldo da Bruno Farnandes ya baiwa Young Boys damar zura kwallonta na biyu ta hannun Jordan Siebatcheu bayan kuskuren Jesse Lingard da ya maye gurbin Ronaldo.

Wasan na jiya shi ne irinsa na 177 da Ronaldo ya buga karkashin gasar ta cin kofin zakarun Turai.

Bugu da kari kwallon Ronaldo mai shekaru 36 ita ce ta 3 da ya zurawa sabuwar kungiyar tasa tun baya kulla kwantiragi da ita a watan jiya.

Wasa na gaba da United za ta doka shi ne tsakanin ta da Villarreal ranar 29 ga watan nan.

A wasannin na jiya dai karkashin rukunin na F Villarreal ta yi canjaras ne da Atalanta da kwallaye 2 da 2 kungiyoyin da dukkaninsu ke dakon haduwarsu da United a nan gaba.