Ku taimake mu mu koma gida – ‘Yan Najeriya da suka maƙale a Ukraine na neman agaji.
‘Yan Najeriya da suka maƙale a Ukraine na neman agajin gwamnatin ƙasarsu don su koma gida sakamakon yaƙin da ake yi a ƙasar.
Wani bidiyo da ya ɓulla a shafukan zumunta ya nuna dandazon ɗaliban na ife-ifen neman taimako, suna cewa “we want to go home” – “muna so mu koma gida”.
Matsan waɗanda suka ce ɗalibai ne a Jami’ar Sumy, sun ce yanzu haka ba su da ruwan sha, ba wuta sannan abincinsu ya kusa ƙarewa.
“Yanzu mun kwana kusan uku ba mu yi wanka ba,” in ji wata ɗaliba da ta yi magana a bidiyon.
READ MORE : Romania za ta karɓi ɗaliban Najeriya daga Ukraine su ƙarasa karatunsu a ƙasar.
