Kotun Kasar Kamaru Ta Yanke Wa 'Yan Aware Hukuncin Kisa

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Kotun soji da ta yi zamanta a birnin Buea da ke lardin Kudu maso yammacin kasar Kamaru ta yanke hukuncin kisa kan wasu ‘yan aware masu amfani da Turancin Inigilishi bayan samun su da laifin kai wa wata makaranta hari a watan Okotoban 2020.

A hukuncin da kotun ta yanke, kotun ta ce ta samu mambobi hudu na ‘yan awaren da laifin ta’addanci, da kai wa kaddarorin kasar hari da aikata kisa da mallakar makamai ba a kan ka’ida ba da kuma yunkurin ballewa daga kasar Kamaru.

To sai dai karkashin dokokin kasar ta Kamaru, wannan hukunci na matsayin na farko ne da ke bai wa mutanen 4 zuwa kotun daukaka kara idan suna bukata cikin kwanaki 30 masu zuwa.

A ranar 24 ga watan Oktoban 2020 ne, ‘yan awaren suka kai hari kan wata makarantar boko ta “Mother Francisca international”, da ke garin Kumba a lardin kudu maso yammacin kasar, inda suka kashe mutane.

To sai dai jagoran ‘yan awaren wanda ke tsare yanzu haka a gidan yari, Sisiku Julius Ayuk Tabe, a wani sako da ya wallafa a shafinsa na Twitter, ya dora alhakin harin a kan wata kungiyar ‘yan aware ta daban wadda ya ce manufofin su sun sha bam-bam.

A wani labarin na daban a yau ne kwamitin da ke kula da shirya tarukan makon hadin kan musulmi na duniya ya fara gudanar da zamansa tare da halartar dukkanin mambobi.Shugaban kwamitin Mahdi Agha Muhammad ne ya sanar da hakan a zantawarsa da kamfanin dillancin labaran iqna, inda ya bayyana cewa, zaman taron na farko da aka fara an tattauna yadda zaman zai kasance a wannan shekara.

A shekarar bara saboda matsalolin da ake ciki na bullar cutar korona, an gudanar da taron ne kai tsaye ta hanyar hotunan bidiyo na yanar gizo, inda masu gabatar da jawabai suka rika gabatar da jawansu da makaloli kai tsaye.

Ya ce har yanzu wanann batu yana daga cikin abin da yke ci wa al’ummomin duniya tuwo a kwarya, a kan haka sun fara tattaunawa kan yadda taron na bana ya kamata ya kasance, duk kuwa da cewa ba a yanke shawara guda kan hakan ba, amma za a ci gaba da tatatunawa domin samun matsaya guda.

Kwatin da ke daukar nauyin shirya tarukan hadin kan musulmi na duniya dai yana karkashin cibiyar kusanto da mazhabobin muslunci ta duniya ne, da ke da babban ofishinta a birnin Tehran.

Marigayi Imam Khomenei ne ya kirkiro makon hadin kan musulmi musulmin duniya, wanda ya sanya makon haihuwar manzon Allah a cikin watan watan rabi’ul Awwal ya zama shi ne makon hadin kan musulmi na duniya baki daya.