Faransa Ta Fara Karbar Shaidar Wadanda Suka Tsira A Harin 2015

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Wadanda suka tsira daga hare-haren ta’addancin birnin Paris din faransa a watan Nuwamban shekarar 2015 sun fara ba da shaida a wata shari’a da aka fara a yau Talata a faransa , inda aka gurfanar da mutane fiye da 10 da ake tuhumar su da aikata ta’addancin.

Daya bayan daya ne dai za a rika karbar shaida cikin makwanni masu zuwa, daga mutane 300 da suka tsira daga hare-haren ta’addancin da kuma dangin wadanda aka kashe a ranar 13 ga watan Nuwamba, fiye da shekaru 5 ada suka gabata.

Hare -haren kunar bakin wake da kuma harbin kan mai uwa da wabi da bindigogi da wasu gungun mahara kashi uku suka kai kan mashaya, gidajen cin abinci da zauren kide-kide na Bataclan da filin wasa da ke birnin Paris wadanda daga baya kungiyar IS ta dauki alhaki ya yi sanadiyyar mutuwar mutane 130 yayin da kusan 350 suka jikkata.

Cikin watan nan ne Kotun kasar da kebabban birnin faransa watau Paris ta fara sauraron shari’ar mutum guda da ya tsira da ransa cikin maharan da suka kaddamar da farmakin.

Belgium ta mika wa ma’aikatar shara’ar Faransa wani da ake tuhuma da hannu a harin da ‘yan ta’adda suka kai tare da kashe mutane 130 a birnin Paris 2015.

A wani labarin na daban osama Krayem an cafke shi ne tun cikin shekara ta 2016 a Belgium, bayan wani harin ta’addanci da aka kai birnin Bruxelles, yayin da masu gabatar da kara a Faransa ke cewa suna tuhumar sa da hannu a harin na birnin Paris da ya yi sanadiyar mutuwar mutane 130.

Gwamnatin Faransa ta jadada aniyar ta na yakar ta’adanci tareda daukar matakan zurfafa bincike zuwa wasu daga cikin mutanen da ake sa ran suna da hannu a batutunwan da suka shafi ta’adanci a kasar ta Faransa.

Yanzu haka akwai wasu yan kasashen waje da ake ci gaba da tsare da su bisa laifin ta’adanci.