Gwamnatin Mali Za Ta Saurari Ra'ayin Jama'a Kafin Zaben Kasar

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Gwamnatin Mali ta ce za ta kaddamar da shirin jin ra’ayin jama’a a wannan watan, kafin sanya lokacin gudanar da zaben shugaban kasa.

Wani daftarin da hukumomin kasar suka gabatar, yace za’a fara gudanar da tarukkan daga ranar 25 ga wata a matakin kananan hukumomi kafin zuwa matakin kasa tsakanin 15 zuwa 21 ga watan Nuwamba.

Shugaban mulkin sojin kasar Assimi Goita yayi alkawarin gudanar da zabe a watan Fabarairu, amma kuma gwamnatin sa na jan kafa a kai.

Kasar na yankin sahel da yaki ya daidaita na fuskantar matsin lamba daga kasashen duniya a game da mayar da mulki ga farar hula, bayan da sojoji suka kifar da zababbiyar gwamnatin kasar a watan Agusta 2020, ta kuma kori wata gwamnatin a watan Mayu.

A wani labarin na dabna gwamnatin kenya ta ki amincewa da hurumin Kotun Majalisar Dinkin Duniya (ICJ), dake shirin yanke hukunci a mako mai zuwa kan takaddamar iyakokin teku da ta dade tana yi da Somaliya

Kasashen biyu makwabta dake yankin Kahon Afirka sun shafe shekaru suna takaddama a kan tekun Indiya da da kowannen su ke ikirarin mallakar yankin mai man fetur da kuma iskar gas.

Tun a watan Maris Kenya ta sanar da shirin kauracewa zaman kotun ICJ a shari’ar da tuni kotun da ke Hague ta ki amincewa da bukatar dage ta, inda ake saran zartar da hukunci a ranar Talata mai zuwa.