Fashewa Ta Hallaka Mutane Da Dama A Harabar Wani Masallacin Kabul

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Wani fashewa a wajen wani masallaci a Kabul babban birnin Afghanistan ya kashe “fararen hula da dama” a wannan Lahadi.

Ta shafinsa na Twitter, Kakakin gwamnatin Taliban Zabihullah Mujahid ya bayyana Fashewar da ta auku kusa da kofar Masallacin Idi Gah da ke Kabul.

Ana gudanar da bikin addu’ar mahaifiyar Mujahid, wacce ta rasu a makon da ya gabata, a masallacin lokacin da lamarin ya auku, bikin addu’ar da tun a yammacin Asabar kakakin ya sanar da shafukan sada zumunta, tare da gayyatar ‘yan uwa da abokai.

A wani labarin na daban mutane 2 sun mutu a Afghanistan, sakamakon fashewa da wasu bama-bamai uku sukayi a birnin Jalalabad a ranar Asabar.

Harin dai shi ne irin sa na farko da aka kai a Afghanistan bayan sake karbe mulkin kasar da kungiyar Taliban ta yi a watan Agusta.

Bayanai sun ce akwai mata da kananan yara a cikin mutane akalla 18 da suka jikkata a harin bama baman.

Jalalabad shi ne babban birnin Nangarhar, in da kuma ke zama yankin da kungiyar IS reshen Afghanistan ke da karfi.

Kasar afghanistan dai na daya daga cikin kasashen da ke cikin matsananci halin rashin tsaro kuma hakan ya samu aslai ne tun lokacin da amurka ta shiga kasar shekaru kusan ashirin da suka gabata.

Tags: Fashewa hallaka kabul masallachi mutane