Dakarun kungiyar Hizbullah ta Iraki sun yi gargadin cewa: Ya kamata Amurkawa su sani cewa kokarin da suke yi ba shi da wani amfani, kuma matukar Gwagwarmaya ta yanke shawarar shiga yakin, to za ta murkushe munanan shirin Amurka a yankin.
Kamfanin dillancin labaran shafin sadarwa na yanar gizo na Ahlul-Baiti (A.S) – ABNA – ya habarta cewa, bataliyoyin kungiyar Hizbullah ta kasar Iraki sun bayyana a cikin wata sanarwa da suka yi wa Amurkawa cewa, idan har Jagororin Gwagwarmaya suka yanke shawarar shiga yakin, to kuwa za a murkushe munanan tsare-tsaren da Amurka ke da shi a yankin ta yadda za a samu nasara. Iraki za ta zama sansaninsu na karshe a kasashen duniya da dama.
A cikin bayanin da bataliyoyin Hizbullah na Iraki da aka buga a ranar Larabar da ta gabata, an bayyana cewa motsin ayarin sojojin mamaya na Amurka a wasu garuruwan Iraki hujja ce ta girman kai da dagewar da makiya suke da shi na ci gaba da kai hare-haren wuce gona da iri a yankin kasar.
Sanarwar ta ci gaba da cewa: Wadannan dakarun ba su misaltuwa ta fuskar adadi da kayan aiki idan aka kwatanta da sojojin Amurka kafin a fatattake su a shekarar 2011. A daya bangaren kuma, karfin gwagwarmayar Musulunci da ke kara karuwa, wanda ya wuce karfinsa idan aka kwatanta da yadda yake a wancan lokacin.u
Kungiyar Hizbullah ta Iraki sun kara da cewa: Ya kamata Amurkawa su sani cewa karfinsu ba shi da wani amfani, kuma matukar gwagwarmaya ta yanke shawarar shiga yakin, to za ta murkushe munanan tsare-tsaren da Amurka ke yi a wannan yanki ta yadda Iraki za ta kasance sansaninsu na karshe a kasashen duniya da dama.
Source:ABNA
