Anyi Jana'izar Tsohon Shugaban Kasar Algeria Adelaziz Bouteflika

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

A wannan Lahadi 19 ga watan Satumbar 2021 akayi jana’izar Abdelaziz Bouteflika, tsohon shugaban kasar Algeria da ya fi dadewa a kan mulkin kasar da ke Arewacin Afirka, inda aka binne shi a makabartar gwarzayen ‘yanci amma ba tare da girmamawar da akayiwa magabatansa ba.

Bouteflika ya rasu a ranar Juma’a yana da shekaru 84, bayan da ya kasance cikin wani yanayi tun lokacin da aka tilasta masa sauka daga mulki sama da shekaru biyu da suka gabata.

Tsohon sojan ya yi murabus daga mukaminsa a watan Afrilu na shekarar 2019 bayan da sojoji suka yi watsi da shi sakamakon makonni na zanga – zangar adawa da shirin sa na tazarce a karo na biyar.

A wani labarin nadaban kotun daukaka kara ta soji a Algeria ta wanke dan uwa kuma tsohon mai ba da shawara ga hambararren shugaban kasar Abdelaziz Bouteflika da wasu tsoffin shugabannin hukumar leken asiri biyu, wadanda aka yanke wa hukuncin shekaru 15 a kurkuku bisa laifin yin zagon kasa ga sojoji da kuma gwamnati.

To sai dakuma a cewar wata majiyar shari’a, za a ci gaba da tsare Saïd Bouteflika a wani gidan yari har kafin kammala shari’a da ake masa kan wasu tuhuma daban da suka shafi cin hanci da rashawa a lokacin jagorancin dan uwansa da ya kwashe shekaru 20 yana mulkin kasar.

Baya ga Said Bouteflika, janarori Mohamed Mediène, da Athmane Tartag, da kuma wata ‘yar gwagwarmayar Louisa Hanoune, wadanda aka yanke wa hukunci a wannan shari’ar, kotun daukaka karar ta wanke su.

A wani labarin kuma, ma’aikatar tsaron Algeria tabbatar da mutuwar sojojinta biyu da mahara masu ikirarin jihadi 4, bayan wani kazamin fafatawa a yankin Tipaza dake Yammacin Alger.

Tags: algeriya Bouteflika jnaza Shugaban