Sojoji sun kashe ‘yan Boko Haram da yawa .
Rundunar sojan jamhuriyyar Nijar ta ce ta kashe masu ikirarin jihadi goma, yayin wani gumurzu a yankin Diffa da ke kudu maso gabashin kasar, iyaka da Najeriya.
Ma’aikatar tsaron ta ce ta kuma lalata motoci uku na mayakan.
Rikicin dai ya faru ne da sanyin safiyar ranar Asabar a kauyen Chetima Wangou, wanda ya sha fama da hare-haren yan bindiga ciki har da Boko Haram.
Rundunar sojin Nijar ta ce mayakan na kungiyar ISWAP ne, wadanda suka balle daga kungiyar Boko Haram a shekarar 2016.
