Shugabannin Makiyaya Sun Yi Taro Kan Dokar Hana Kiwo A Wasu Jihohin

Shugabannin Fulani makiyaya da ke kudu maso yammacin Nijeriya sun yi wata tattaunawa domin nemo mafita kan dokar hana kiwo a fili da wasu jihohin yankin kudu suka yi.

An gudanar da taron ne a yau Lahadi a fadar sarkin Fulanin jihar Legas, Alhaji Muhammadu Abubakar Bambado dake a Surulere a Legas.

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Shugabannin makiyayan sun yi shirin bin wannan doka sau da kafa da hukumomin yankin suka sanya, tare da shirin nemo wasu hanyoyin kiwo na daban. Gwamnonin yankin kudu sun yi wata doka domin hana Fulani kiwo a fili da kuma a dazuka.

Shugabannin karkashin jagorancin sarkin Fulanin Legas Alhaji Muhammad Abunakar Bambado sun ce za su nemi tattaunawa da gwamnonin Yarbawa da suran masu ruwa da tsaki a yankin domin neman mafita kan wannan doka.

A wani labarin na daban sakamakon lugudan Wuta da Jami’an tsaro keyiwa Yan Bindiga a dazukan Jihar Zamfara,sun turo wasu manyan mutane zuwa ga gwamna Bello Matawalle suna tuba da neman sulhu.

Gwamna Matawalle ya amsa masu da cewa, an kule karbar tubar su, lugudan Wuta yanzu aka fara.

Gwamna Matawalle ya bayyana haka bayan kammala Sallar Juma’a a Masalacin Sabo dan Ashafa da ke Gusau.

“Matawalle ya kara da cewa, A ranar Alhamis da ta gabata anturo Kwamitin babba daga Garuruwan Mada, Ruwan Baura da Acha, kan in zagaita wuta, sun tuba, nace na rufe hanyar tuba ga barayi ‘yan ta’adda , wallahi ba zan tsagaita ba, sanda muka nemi su tuba,su kaki.

kuma munbi duk hanyar da ta dace abi sunki sai yanzu da suka ji wuta, dan haka tsakanin mu da su sai mu hado wajan uban gijin mu. Inji gwamna Matawalle.

Gwamna Matawalle ya kuma yi kira ga al’ummar Jihar Zamfara da su cigaba da bada hadin kai.

Kuma ya gargadi Yan siyasa da su daina ba mutane Manyan Mashina masu amfani da kuloch, dan idan anbasu ne suke saidawa, sai barayi su saya su rika amfani da su.

Dan haka duk dan siyasa da muka kama yana bada irin wadannan Mashina lallai zamu hukuntashi. inji gwamna Matawalle.

Tags: fulani KIWO kudu makiyaya Shugabannin