Sama Da Yara 1,000 Ne 'Yan Bindiga Suka Sace A Makarantu A Shekara...

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Sama da yara dubu 1 ne aka sace a daga makarantun Najeriya a wannan shekarar, a cewar Save the Children, wata kungiya mai zaman kanta.

Daraktar kungiyar a Najeriya, Mercy Gichuhi ce ta bayyana haka a wata sanarwa na bikin ranar kare ilimi daga hare hare ta biyu.

Kungiyar ta ce ta’azzarar da satar yara ‘yan makaranta ta yi a tsakanin shekarar 2020 da 2021 ne ma ta tilasta rufe makarantu, lamarin da ya jefa tsarin ilimin kasar cikin hatsari, sama da yadda ake tsammani.

Sanarwar da kungiyar ta fitar ta ce daga watan Janairu zuwa Agustan shekarar 2021, sama da yara dubu 1 ne aka yi garkuwa da su, inda da dama daga cikinsu ke hannun masu garkuwar har yanzu.

Kafafen yadda labaran Najeriya sun ruwaito sau da dama labarin hare haren ‘yan bindiga a kan makaran tu a jihohin Kaduna Katsina, Kebbi, Zamfara da Neja, inda aka sace daruruwan yara don neman kudin fansa, wanda adadin yaran sama yake da adadin da ake badawa a rahotanni.

Babban bankin Najeriya ya musanta ikirarin da ake cewa ya umurci bankuna su mayar da asusun ajiyar abokan huldarsu na kudaden kasasehn waje zuwa na Naira.

A wani labarin na daban wata sanarwa ta ya fitara a Asabar, daraktan yada labaran bankinOsita Nwanisobi, ya ce babu gaskiya a wannan ikirarin, hasali ma sanarwar da ake ta yadawa a game da haka karya ce tsagwararta.

Bankin ya sake yin tuni da cewa ya sha bada tabbacin cewa babu wani shirn mayar da asusun ajiyar kudaden kasashen waje zuwa na Naira, don kawai yana so ya magance karancin dalar Amurka.

Daga nan sai banki ya ja kunnen kamfanoni da daidaikun mutane a game da amfani da hatimi ko alamar bankin, yana mai cewa ya sanar da hukumomi, kuma duk wanda aka kama zai dandana kudarsa.