Najeriya; Gwamnati Ba Za Ta Hukunta 'Yan Boko Haram Da Suka Tuba Ba

Kashi 43 cikin 100 na Al’ummar Duniya ba su da damar shiga Intanet

X ya dakatar da asusun mai amfani na ofishin shugaban Iran

Gidan rediyon Faransa ya bayar da rahoton cewa, ministan yada labaran najeriya Lai Mohammed ya bayyana haka lokacin da yake ganawa wakilan kafofin yada labarai a Washington dake kasar Amurka.

Ministan yada labaran na najeriya yace kiraye kirayen da wasu mutane ke yin a hukunta tubabbun mayakan kungiyar maimakon yi musu afuwa ya sabawa matakan da kasashen duniya ke dauka na kawo karshen ayyukan ta’addanci.

Mohammed yace ya tattauna da shugabannin sojin Najeriya kafin ya bar kasar kuma sun shaida masa cewar matakan da suke dauka sun yi daidai da wadanda ake dauka a kasashen duniya akan sojojin da suka aje makaman su ta hanyar kula da su a matsayin firsinonin yaki.

Ministan yace dokokin duniya sun hana budewa irin wadannan fursinonin yakin wuta ko kuma hukunta su, kuma matakan da sojojin Najeriya ke dauka kenan akan mayakan boko haram da suka mika kansu ga hukumomin soji.

Mohammed yace yanzu haka ana ci gaba da tantance daruruwan mayakan boko haram da suka mika kai da zummar daukar matakan mayar da su cikin jama’a.

A wani labari na daban tashar Russia Today ta bayar da rahoton cewa, wasu daga cikin manyan jami’an gwamnatin kasar Masar sun sanar da cewa, rufe wannan mashigar yana da alaka ne da shiga tsakanin da Kasar Masar take yi tsakanin Isra’ila da kuma kungiyar Hamas.Haka nan kuma wani daga cikin jami’an gwamnatin kasar ta Masar ya ce, an dauki wannan matakin ne da nufin yin matsin lamba a kan kungiyar Hamas dangane da batun dakatar da bude wuta tsakaninta da Isra’ila, kamar yadda kuma ya bayyana cewa ba a san har zuwa wane lokaci ne mashigar ta Rafah za ta ci gaba da kasancewa a rufe ba.

Mashigar Rafah dai ita ce babbar mashigar da ake shigar da kayayyakin bukatar rayuwa ga al’ummar yankin Zirin Gaza, wanda Falastinawa mazauna yankin zirin Gaza suke yin amfani da ita domin ci gaba da rayuwa.

Gwamnatin kasar Masar tana yin amfani da mashigar Rafah domin yin matsin lamba akan Falastinawa musamman ma kungiyoyin gwagwarmaya na yankin zirin Gaza, inda ta kan rufe wannan mashiga a duk lokacin da ta ga dama, domin yin matsin lamba a kansu domin su amince da wasu bukatu na Isra’ila ko kuma wasu kasashen na daban.