ECOWAS Ta Lafta Wa Guinea Takunkumi Saboda Dalilin Juyin Mulki

Man fetur ya fado bayan harin da Isra’ila ta kai wa Iran

Kashi 43 cikin 100 na Al’ummar Duniya ba su da damar shiga Intanet

Taron da shugabannin kasashen yammacin Afirka mambobi a kungiyar Ecowas ko kuma Cedeao suka gudanar ta hoton bidiyo a jiya Laraba, ya sanar da sanya takunkumai da dama a kasar Guinea Conakry sakamakon juyin mulkin da aka yi wa Alpha Conde

Ministan Harkokin Wajen Burkina Faso Alpha Barry, ya ce daya daga cikin matakan da taron ya dauka sun hada da dakatar da Guinea daga kasancewarta mamba a kungiyar ta Ecowas.

Kungiyar Ecowas ta kuma bukaci sojoji su gaggauta sakin hambararren shugaba Farfesa Alpha Conde, tare da yanke shawarar tura tawaga ta musamman zuwa birnin Conakry don ganawa da sojojin da suka yi wannan juyin mulki a wannan Alhamis.

A lokacin da yake gabatar da jawabin bude taron a jiya, shugaban riko na kungiyar ta Ecowas wato shugaban Ghana Nana Akufo-Ado, ya bayyana juyin mulkin da cewa, ya saba wa dokokin kare dimokuradiyya da kyakkyawan jagoranci da kungiyar ta shimfida.

A daya bangare shugaban kasashen na yammacin Afirka (Ecowas), ya saurari rahoton tawagar mai shiga tsakani dangane da rikon kwaryar kasar Mali, tare da jaddada bukatar ganin an mutunta wa’adin watanni 18 don shirya sabbin zabuka na dimokuradiyya a kasar ta Mali.

Jami’an tsaron Kamaru sun tsare wasu mambobin wata kungiyar tawayen Jamhuriyar Afirka ta Tsakiya da suka shigo Ngaudere dake jihar Adamawan kasar, inda suke kokarin aikata ayyukan garkuwa da mutane.

A wani labari na daban ahotanni daga Ngaunderen kasar ta Kamaru dake iyaka da Jamhuriyar Afirka ta Tsakiyar Afirkan na cewa, Jami’an jandarmomi ne sukayi nasarar cafke wasu mayakan tawayen kungiyar tawayen 3K, bayan da suka samu bayanan sirri.

Kwamandan rundunar Jandarmomin na jihar Adamawa, Kanal Jean Pierre Kagombe Keffiene yayin zantawa da manema labarai dangane da kamen, yace bayan nasarar cafke mahara biyu, suka samu damar kame wasu karin maharan da masu taimaka musu guda 4.

A cewar jami’in mayakan ‘yan tawayen da suka shigo kasar ta Kamaru ta hanyar amfani da wasu takardun bogi, sun kasance cikin kungoyin ‘yan tawayen da suka hana gwamnatin shugaba Faustin Arkange Touadera a Jamhuriyar Afirka ta Tsakiya sakat tun a shekarar 2015, tare da haddasa yakin basasar da yayi sanadiyar mutuwar dubban mutane.

Mayakan kungiyoyin ‘yan tawaye na kutsawa kasar Kamaru a kai-akai, inda suke garkuwa da mutane masamman jami’an gwamnati, don karban kudin fansa ko gabatar da wasu bukatu na daban.