Gwamnan jihar Kano, Dr Abdullahi Umar Ganduje da matarsa Hafsat Umar, sun samu sarautar Olorogun na masarautar Olomu a jihar Delta a yau.
Ohworode, basaraken tsohuwar masarautar Olomu mai tarihi, mai martaba Ovie Dr R.L Ogbon ne ya nada su sarauatar, Daily Trust ta rahoto.
Bikin da aka yi a fadar Ohworode na masarautar Olomu ta samu halartar mutane da dama da suka hada da sarakuna daga masarautar Olomu, manya a gwamnatin jihar Kano, iyalan gidan Ganduje, yan siyasa da sauran yan masarautar Olomu, rahoton Within Nigeria.
A wani labarin na daban kuma mataimakin wakilin kasar Sin a majalisar gwamnonin kasar ya bukaci da kada a sanya siyasa a hukumar makamashin nukiliyar ya kuma ce matsin lamba kan Iran ba shi da amfani.
A cikin wannan kudiri yazo cewa, kasar Sin ta kada kuri’ar kin amincewa da kudurin da kasashen Ingila da Faransa da Jamus da Amurka suka gabatar tare da sukar kasar Iran game da batun tsaron nukiliya.
Wannan jami’in na kasar Sin ya ce: “Batun kariya da Iran ke da su, su ne batutuwan da suka shafi bangarorin biyu tsakanin hukumar kula da makamashin nukiliya ta duniya da Iran, kuma ya kamata a warware su ta hanyar tattaunawa da tuntubar juna.”
Ya kara da cewa: Kasar Sin tana matukar adawa da matsin lambar da kasashen da abin ya shafa ke yi na haifar da husuma da siyasantar da hukumar kula da makamashin nukiliya ta duniya, musamman ma lokacin da Iran ke karfafa hadin gwiwa da hukumar.
Wannan jami’in na kasar Sin ya bayyana cewa, Beijing na son bangarorin da abin ya shafa su dauki takamaiman matakai don tallafawa hukumar kula da makamashin nukiliya ta kasa da kasa wajen karfafa hadin gwiwa da Iran, da kawar da bambance-bambance ta hanyar tattaunawa.
Wakilin kasar Sin ya kuma jaddada cewa, shawarwarin farfado da JCPOA na kan wani muhimmin mataki.
Wang ya ce, Sin ta yi kira ga dukkan bangarorin da ke cikin yarjejeniyar nukiliyar Iran, da su kaucewa ayyukan da za su kawo cikas ga shawarwarin, da samar da yanayin da ya dace, da yanayin da za a cimma yarjejeniyar da wuri.
Hukumar kula da makamashin nukiliya ta duniya ta amince da wani kuduri na adawa da Iran a ranar Alhamis. Majalisar mai wakilai 35 ta amince da wannan kuduri da kuri’u 26 da suka amince da shi, 2 kuma suka ki amincewa.
Kamfanin dillancin labaran reuters ya nakalto jami’an diflomasiyyar da suka halarci zaman rufe na majalisar gudanarwar hukumar ta IAEA sun kuma rubuta cewa kudurin ya bukaci Iran da ta gaggauta bayar da hadin kai ga binciken da hukumar ta IAEA ke yi dangane da sinadarin uranium da aka samu a wasu wurare uku da ba a bayyana ba a kasar ta Iran.
Kakakin ma’aikatar harkokin wajen Jamhuriyar Musulunci ta Iran Nasser Kanani ya yi Allah wadai da shawarar da kasashen Amurka, Ingila, Faransa da Jamus suka gabatar wa kwamitin gudanarwa na hukumar kula da makamashin nukiliya ta kasa da kasa ba za a yarda da shi ba kuma an ƙyamaci wannan batu.
Kakakin ma’aikatar harkokin wajen kasar ya yi gargadin cewa, idan har aka amince da kudurin na adawa da Iran a cikin hukumar, matakin da Iran za ta dauka zai kasance mai tsauri da tasiri.
Source:Legithausa
