Labarin dake shigo mana da duminsa na nuna cewa babban limanin masarautar Oyo, Sheikh Mashood Ajokidero III, ya rigamu gidan gaskiya.
An sanar da mutuwar limamin a shafinsa na Facebook da safiyar Alhamis, 26 ga Junairu, 2023.
A cewar jawabin da aka fitar: “As salaam alaykum. InnaLillah wainna Ilaihu raajiun. Muna sanar da mutuwar Babban Limamin kasar Oyo.
Allah ya bashi Jannatul Firdaos. Amen.” Allah Ya Yiwa Limamin Kasar Oyo, Sheikh Mashood Ajokidero III, Rasuwa.
A wani labarin na daban akalla mutum daya ne aka ruwaito ya rasa ransa yayin da wasu mahara da ba a san ko su waye ba suka kai hari a wani gangamin yakin neman zaben jam’iyyar PDP a Jihar Enugu.
Wata majiya ta shaida wa Leadership Hausa cewa maharan sun kai hari a unguwar Awgu a lokacin kamfen din jam’iyyar PDP, inda suka bude wuta kan magoya bayan jam’iyyar.
Taron na Osita Ngwu, ya samu halartar dan takarar Sanata na PDP, Cif Anayo Onwuegbu, dan takarar majalisar wakilai mai wakiltar mazabar tarayya ta Awgu/Aninri/Oji-River, da sauran ‘yan takara da ‘yan jam’iyyar.
Wani faifan bidiyo da aka yada ya nuna lokacin da aka kai wata mata da aka kashe zuwa asibiti bayan an harbe ta da bindiga.
