Al’ummar Kiristoci mabiya addinin Kirista mazauna babban birnin tarayya sun kai wa Buhari ziyara a yayin shagalin Kirsimetin bana.
Kirisroci mazauna Abujan sun samu jagorancin ministan babban birnin tarayya, Muhammad Bello, wanda ya kai su har cikin fadar shugaban kasan Sanata Smart Adeyemi tare da shugaban.
Kungiyar Kiristoci reshen FCT, Stephen Panyan, suna daga cikin wadanda suka kai wa Buhari ziyara.
Mazauna babban birnin tarayya dake Abuja a cikin ranakun karshen makon da ya gabata, sun yi shagalin bikin Kirsimeti da shugaban kasa Muhammadu Buhari a Abuja.
Wakilan da suka ziyarci Shugaba Buhari sun samu jagorancin Muhammad Bello, Ministan babban birnin tarayya dake Abuja, jaridar TheCable ta rahoto.
A cikin su akwai Smart Adeyemi, shugaban kwamitin majalisa na FCT kuma Sanata mai wakiltar Kogi ta kudu tare da Stephen Panyan, mataimakin shugaban Kungiyar Kiristoci ta kasa, reshen babban birnin tarayya.
Ga Hotunan a kasa: Hotuna: Mazauna FCT Sun Yi Shagalin Kirsimeti Tare da Shugaba Buhari.
A wani labari na daban, matasa da malamai mabiya addinin Musulunci a jihar Kaduna sun ziyarci Kiristoci a ranar shagalin bikin Kirsimeti ta bana.
Kamar yadda Fasto Yohanna Buru ya sanar, ba wannan bane karo na farko da suka samun ziyarar Musulmi ba duk don yakaka alakar dake tsakanin mabiya addinan biyu.
Yace hakan zai kawo hadin kai tare da ganin girman juna tunda ana mutunta addinan juna.
